Mussdor vorstelln: 'N Boom mid rischdsch vieln Bläddrn - übr sohm Deisch, nar? Nuja, und offnem Bladd erschndewo in dem Boom da sidsdne Laus un denggd sisch, dass wennse das Bladd jeds dlei frissd, se sadd is.

Nuja, un driebr sidsd erschndewo ne Raube und die denggd sisch so: Wennsch nor gorz worde, dann frissde Laus das Bladd und is sadd, und isch donoch de Laus - dann binnsch subrsadd.

Nuja, erschendewo iebr dor Raube sidsdn Vohchl. und der denggt bei sisch, dass wenn de laus ihr bladd frissd un sadd is unde Raube dann de Laus frissd und subrsad is - un er selbor donoch de Raube frissd, er subrsubrsadd is.

Nuja, un ganz ohm sidsd ne Gadse. Unde Gadse gugd so von ihrm Bledsl nundr un denggt sisch, dass wenn de Laus ihr Bladd frissd un sadd is un de Raube dannde Laus frissd un subrsad is undor Vohchl donoch de Raube frissd un subrsubrsad is - se selbor donoch den dämlischn Vohchl frisd un subrsubrsubrsadd is.

Nuja - gsahrcht, gedarhn: De Laus frissd ior Bladd un is sadd, donoch de Raube de Laus un is subrsad un donoch dor Vohchl de Raube un is subrsubrsad un donoch de Gadse dn Vohchl und is subrsubrsubrsadd.

Darnach fellde Gadse ins Wassor vom Deisch.
Un was is de Moral von dor Geschischde?

Je längor's Vorschbiel - desdo feuschder de Miedse...